ДУИ: Дискриминација и етничко исклучување на Албанците и во спортот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Дискриминација и етничко исклучување на Албанците и во спортот

14 август 2025

• од Станча Јаќимовски

Блокадата на рамноправноста стигна и до спортот. Демократската Унија за Интеграција (ДУИ) изрази длабока индигнација и остар протест против новиот состав на Олимпискиот комитет на Северна Македонија, каде што, според партијата, Албанците се речиси целосно исклучени од раководните и одлучувачките структури.

Од вкупно 117 членови, само четворица се Албанци — бројка која ДУИ ја нарекува „шокантен показател“ за дискриминаторскиот пристап, неприфатлив за едно мултиетничко и европско општество.

Нула застапеност во клучните тела

Особено алармантна, според партијата, е целосната отсутност на Албанци во најважните органи:

Управен одбор: 0 Албанци од 11 членови
Олимписки совет: 0 Албанци од 11 членови
Спортски арбитражен суд: 0 Албанци
Комисија за етика: 0 Албанци

Во другите тела застапеноста е симболична:

Комисија на спортисти: 1 Албанец од 6 членови
Комисија за маркетинг: 1 Албанец од 6 членови
Спортска дирекција: 1 Албанец од 5 членови
Собрание на КОК: 1 Албанец од 25 членови со право на глас

Во мнозинството останати комисии — правна, дисциплинска, за родова застапеност, параолимписки игри, наука и спорт, антидопинг, финансии, е-спорт, надзорен одбор и комитет за дијаспора — застапеноста на Албанците е нула.

„Менталитет на исклучување“

ДУИ смета дека ваквата состојба не е само пропуст, туку резултат на „менталитет на исклучување“ што е во директна спротивност со духот на Охридскиот рамковен договор, принципите на еднаквост и стандардите на демократските држави.

„Спортот треба да обединува, а не да дели; да гради мостови, а не етнички бариери,“ се вели во реакцијата.

Барање за итен преиспит

ДУИ бара итно преиспитување на составот на Олимпискиот комитет и обезбедување пропорционална застапеност на Албанците на сите нивоа. Според партијата, секое одложување или избегнување на ова прашање претставува удар врз еднаквите права и опасен чекор назад за меѓуетничката стабилност во земјата.

„Ќе останеме посветени на заштитата на еднаквоста и духот на Охридскиот договор во секоја институција и во секое поле од животот, вклучително и во спортот,“ порачуваат од ДУИ.