Кандидатката за градоначалник на Центар, Билјана Ивановска, доби кривична пријава само 11 часа по објавата на кандидатурата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кандидатката за градоначалник на Центар, Билјана Ивановска, доби кривична пријава само 11 часа по објавата на кандидатурата

15 август 2025

• од Станча Јаќимовски

Независната кандидатка за градоначалник на Општина Центар, Билјана Ивановска, објави дека само 11 часа по нејзината официјална најава за вклучување во локалната изборна трка добила кривична пријава. Таа е повикана на разговор во Министерството за внатрешни работи на 19 август.

Според објавата на Ивановска на Фејсбук, синоќа околу 20:30 часот двајца полицајци се појавиле пред нејзиниот дом за да ѝ ја врачат пријавата, но таа не била дома. Утредента, вели, веднаш отишла во Основното јавно обвинителство – Скопје за да ја подигне поканата и да дознае за што станува збор.

„Јас немам што да кријам, имам чиста совест и не се плашам од никакви закани и ниски удари и притисоци,“ напиша Ивановска, додавајќи дека нејзината цел е „достоинствен живот во Центар“ и дека заедно со граѓанската иницијатива „Независи заедно“ ќе се спротивстави на „анти-вредностите на корупција и клиентелизам“.

Ивановска истакна дека со поддршка од граѓаните сака да ја врати моќта и достоинството кај жителите на општината, бидејќи, како што нагласи, институциите треба да им служат на граѓаните, а не на „центрите на моќ чиј интерес е профитот“.

Таа најави дека ќе ја информира јавноста за текот на случајот со кривичната пријава, а надлежното обвинителство останува официјалната институција за понатамошни информации.