Мицкоски: Честит Денот на албанската азбука – различностите се нашето богатство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски: Честит Денот на албанската азбука – различностите се нашето богатство

22 ноември 2025

• од Станча Јаќимовски

Во Владата денес се одржа свечена седница по повод 22 Ноември – Денот на албанската азбука, на која свое обраќање имаше премиерот Христијан Мицкоски. Во својата порака, тој го истакна празникот како значаен историски и културен симбол кој ја нагласува важноста на различностите во македонското општество.

Мицкоски потенцира дека Македонија е пример за држава богата со различности кои не разделуваат, туку го збогатуваат заедничкото живеење. „Албанската заедница со својот јазик, култура и традиции е неразделен дел од нашата држава. Денес им оддаваме признание на генерациите кои се бореле за образование и писменост, како и на сите кои продолжуваат да го негуваат овој пат,“ истакна премиерот.

Тој ја нагласи посветеноста на Владата кон политики што ја јакнат меѓуетничката доверба, социјалната кохезија и заемното почитување. Според него, приоритет е младите – без оглед на нивната етничка припадност – да ја гледаат својата иднина во силна, стабилна и развиена Македонија.

„Создаваме општество во кое секој јазик е мост, а не граница. Работиме на инфраструктурни проекти, модернизација на училиштата, поддршка на културните институции, програми за дигитализација и економски развој на локалните заедници,“ нагласи Мицкоски.

Премиерот додаде дека секој граѓанин треба да го почувствува напредокот и да знае дека државата стои зад него, истакнувајќи дека тоа е не само политичка, туку и морална обврска кон идните генерации.

„Само со почит, доверба и одговорност можеме да постигнеме резултати кои ќе ја водат нашата татковина напред. Нека е честит Денот на албанската азбука. Да продолжиме заеднички да ја градиме државата со почит кон различностите и јасна визија за иднината“, порача Мицкоски во своето обраќање.