Ахмети: Албанскиот јазик во Северна Македонија е во опасност, без Албанците нема иднина за државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети: Албанскиот јазик во Северна Македонија е во опасност, без Албанците нема иднина за државата

15 април 2026

• од Тодор Вангелов

Претседателот на ДУИ, Али Ахмети изјави дека албанскиот јазик во земјата се наоѓа „во опасност“.

Говорејќи на панел-дискусија во рамки на Самитот на дијаспората во Тирана, на кој присуствуваа и шефовите на дипломатиите на Косово и Албанија, Ахмети истакна дека е неопходно сите да го совладаат и зачуваат албанскиот јазик.

„Што се однесува до албанскиот јазик во Македонија, тоа е реална опасност и сметам дека треба целосно да го совладаме јазикот што сите го зборуваме“, изјави Ахмети.

Тој потсети дека статусот на албанскиот јазик во Република Северна Македонија е гарантиран со Охридскиот рамковен договор од август 2001 година, со кој беше ставен крај на конфликтот во земјата. Договорот, меѓу другото, овозможи албанскиот јазик да стане официјален, како и зголемено учество на Албанците во државните институции, полицијата и армијата.

Ахмети нагласи дека договорот е потпишан и „гарантиран“ од Соединетите Американски Држави и НАТО, додавајќи дека постои заедничка одговорност за негово зачувување.

„Ја делиме одговорноста: Вашингтон, Брисел, НАТО, албанските политички сили и македонските политички сили. Македонија има иднина во соживот, во заедничко владеење само со Албанците. Без Албанците, Македонија не може да опстане и нејзините денови се изброени“, изјави Ахмети.