СДСМ: Падот на Орбан ја разобличува мрежата на авторитарно влијание

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Падот на Орбан ја разобличува мрежата на авторитарно влијание – најавена истрага за врските со Мицкоски

15 април 2026

• од Станча Јаќимовски

На денешната прес-конференција, членот на Извршниот одбор на СДСМ, Андреј Жерновски, упати сериозни обвинувања за, како што рече, постоење на транснационална мрежа на политичко, медиумско и финансиско влијание поврзана со унгарскиот премиер Виктор Орбан, која имала директно влијание и во земјава.

Жерновски истакна дека најновите информации објавени во германските медиуми ги потврдуваат ставовите што СДСМ со месеци ги изнесува во јавноста. Според него, станува збор за „голема транснационална мрежа“ која функционирала под „директен чадор“ на Орбан и која контролирала медиуми, финансиски текови и дел од бизнис-секторот.

„Падот на авторитарниот режим на Виктор Орбан има директни последици не само врз регионот, туку и врз политичарите кои биле под негова заштита. Тука спаѓа и Христијан Мицкоски, кого го нарекуваат ‘Орбан Џуниор’“, изјави Жерновски.

Тој додаде дека европските и германските политички кругови веќе го класифицирале Мицкоски како „авторитарен политичар“, ставајќи го во ист контекст со српскиот претседател Александар Вучиќ и лидерот на Република Српска, Милорад Додик, како дел од, како што рече, „авторитарно братство“.

„Ова повеќе не е наратив на СДСМ, туку меѓународна дијагноза“, нагласи Жерновски.

Во обраќањето беше посочено дека, според СДСМ, ваквата мрежа претставува систем на политичка, финансиска и медиумска контрола кој е во спротивност со европските демократски вредности и претставува, како што беше речено, „продолжена рака на Русија во Европа“.

Жерновски оцени дека политичките случувања во Унгарија претставуваат „историска победа на демократијата над авторитаризмот“ и испраќаат порака до целиот регион, вклучително и Македонија.

„Ова веќе не е битка меѓу власт и опозиција, туку меѓу демократија и авторитарен режим. Тоа ќе биде изборот на следните избори“, истакна тој.

СДСМ најави дека ќе побара „целосна и темелна истрага“ за сите финансиски и деловни врски помеѓу Орбан и Мицкоски.

„Нема веќе криење. Ќе одговара секој што го направил ова злодело. Граѓаните имаат право да ја знаат вистината, особено кога станува збор за нивните пари“, рече Жерновски.

Дополнително, тој упати повик до Министерството за правда, по изјавите на унгарскиот политичар Петер Маѓар дека Унгарија нема повеќе да биде засолниште за бегалци од правдата, веднаш да започне постапка за екстрадиција на поранешниот премиер Никола Груевски.

„Доаѓа време на вистина, правда и одговорност“, заклучи Жерновски.