СДСМ: Кој плаќа лоби за Мицкоски – оружје, милиони и трага до кокаински канал

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Кој плаќа лоби за Мицкоски – оружје, милиони и трага до кокаински канал

25 септември 2026

• од Гоце Кически

СДСМ повторно побара од премиерот Христијан Мицкоски да објасни каква е врската меѓу неговите активности во Вашингтон и лобирањето што американската компанија „Меркјури паблик аферс“ го врши за скопската „АТС Груп“, производител на муниција и воена опрема.

Портпаролката Богданка Кузеска изјави дека американскиот регистар за странски агенти покажува оти „АТС Груп“ плаќа по 130.000 долари месечно за лобистички услуги, односно околу 1,56 милиони долари годишно. Документите на американското Министерство за правда ја наведуваат „АТС Груп“ како клиент на „Меркјури“, со договорена месечна сума од 130.000 долари.

СДСМ посочува и на материјал поднесен во американскиот регистар на 2 април годинава, насловен како стратешко партнерство меѓу САД и Северна Македонија. Во документот се обработуваат енергетиката, одбраната и можни меѓувладини договори со американски компании, а како клиент повторно е наведена „АТС Груп“.

Опозицијата го поврза случајот и со сопственикот на компанијата, Шефшет Демировски. БИРН објави дека Демировски во Србија бил предмет на постапка поради сомнение за поткуп поврзан со доверливи информации за производство на муниција. Според истражувањето, сумата од 250.000 евра со која постапката била завршена ја уплатил Александар Милојевиќ, кому во Србија му се суди како дел од група обвинета за прекуграничен шверц на кокаин.

СДСМ бара Обвинителството да ја испита документацијата и евентуалните финансиски и политички врски. Од ВМРО-ДПМНЕ претходно ги отфрлија обвинувањата, тврдејќи дека актуелната влада нема никаква поврзаност со приватниот договор меѓу „АТС Груп“ и американската лобистичка компанија.