Мелиза Харадинај реагира по нападите на социјалните мрежи: Албанофобијата не е ограничена само на една држава

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мелиза Харадинај реагира по нападите на социјалните мрежи: Албанофобијата не е ограничена само на една држава

08 април 2026

• од Станча Јаќимовски

Поранешната министерка за надворешни работи на Косово, Мелиза Харадинај, која воедно е и советничка на претседателката на Косово, јавно реагираше по бран остри реакции на социјалните мрежи, откако изрази поддршка за албанските студенти во Северна Македонија.

Во својата објава, Харадинај истакна дека реакциите го надминале нивото на нормална дебата и преминале во пошироки напади насочени кон Албанците и кон Косово. Според неа, ваквите коментари откриваат загрижувачка реалност за присуството на албанофобија и надвор од очекуваните рамки.

„Долго време верував дека отворената и организирана реторика против Албанците е главно поврзана со Србија. Тоа беше перцепцијата со која пораснавме многумина од нас. Вчера на Твитер направив нешто едноставно: се солидаризирав и ги поддржав албанските студенти во Северна Македонија, кои ги бараат своите стекнати права и еднаков третман. Реакцијата беше моментална и многу поостра од нормална дебата“, напиша таа.

Таа додава дека дискусијата брзо се префрлила од прашањата на студентите кон пошироки напади врз Албанците и Косово, што, како што вели, било изненадувачки.

„Изненадувањето не е во постоењето на омразата, туку во фактот дека албанофобијата не е ограничена само на Србија. Таа е присутна и гласна и во Северна Македонија, дури и денес, по 27 години добрососедски односи“, потенцира Харадинај.

Во својата реакција, таа повикува на сериозна рефлексија и нагласува дека зајакнувањето на албанскиот фактор на Балканот не треба да се гради врз илузии, туку врз јасност и единство. Таа исто така подвлече дека Албанците надвор од Косово и Албанија не треба да останат без поддршка.

„Албанците надвор од Косово и Албанија не се сами. Но тие мора да бидат поддржани со заеднички став, со национална грижа и со обединет глас. Тоа е единствениот пат напред и заедничка обврска“, заклучи таа.