Даночен револт пред УЈП: Студенти и печалбари на нога против „закаснетите“ решенија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Даночен револт пред УЈП: Студенти и печалбари на нога против „закаснетите“ решенија

16 април 2026

• од Темелко Тошев

Силно незадоволство, транспаренти и барања за одговорност денеска го исполнија просторот пред Управата за јавни приходи (УЈП). Граѓани кои со години работеле во Авганистан и Ирак, заедно со голем број студенти кои престојувале на привремена работа во странство, излегоа на протест револтирани од масовните известувања за плаќање данок на доход остварен надвор од државата.

Главниот револт на граѓаните е насочен кон тоа што државата со години „молчела“, за сега одеднаш да испорача сметки за наплата кои за некои поединци достигнуваат и неколку илјади евра.

„Хибернација“ на институциите и шокантни суми

Учесниците во протестот обвинуваат за непрофесионалност и хаос во системот. Работник кој бил ангажиран во Авганистан сподели апсурдна ситуација со која се соочил негов колега:

„На колегата за три дена му доаѓа решение да плати 4.000 евра за 2020 година. Како може истиот документ пред три дена да биде со нули, а потоа одеднаш да се појави толкав долг? Службите беа во хибернација со години, а сега нè будат со казни,“ изјави револтираниот работник.

Студентите, пак, се жалат на притисоци и несоодветно однесување од страна на даночните службеници. Еден од нив тврди дека му било директно занесено со драстично зголемување на даночната основа:

Сведоштво: „Ми рекоа дека ако не ги приложам платните листи, вратениот данок ќе ми го помножат по 10 и така ќе ме оданочат. Тоа не е коректно, не е професионално и е безобразно,“ изјави еден од присутните студенти.

УЈП: Не е нов данок, туку спроведување на законот

Од Управата за јавни приходи, преку брифинг за медиумите, се обидоа да ја смират топката. Според директорката Елена Петрова, не станува збор за нов намет, туку за примена на постоечките законски регулативи според кои македонските резиденти се должни да плаќаат данок на светски доход.

Клучните поенти од УЈП:

Нема двојно оданочување: Ако граѓанинот веќе платил данок во земјата каде работел, тој износ му се признава во Македонија (со соодветен доказ).
Проверки преку МНР: Бидејќи многумина не можат да обезбедат докази, УЈП врши проверки за 250 лица од Авганистан и 134 студенти (главно селектирани според возраст и престој во Германија) преку Министерството за надворешни работи.
Без присилна наплата и камати: Од УЈП уверуваат дека засега нема да се преземаат мерки за присилна наплата, ниту пак ќе се плаќа камата заради пробиените рокови.

Милиони евра под лупа на даночниците

Податоците кои УЈП ги добила од 12 деловни банки откриваат дека во 2020 година над 70.800 граѓани оствариле прилив од странство во вкупен износ од неверојатни 577 милиони евра, сума која според законот треба да биде оданочена.

Во моментов, во евиденцијата на УЈП се регистрирани над 8.000 граѓани кои работеле надвор и треба да го подмират данокот во земјава. Дел од нив веќе го почнаа правниот отпор – досега се поднесени околу 300 тужби против Управата за јавни приходи.

Додека УЈП тврди дека само си ја врши работата за да го наполни буџетот, граѓаните најавуваат дека нема да отстапат, барајќи јасни насоки и одговор на прашањето: Каде беа службите сите овие години?