ЈАНЧЕВ: Ќе сечат шуми, ќе детонираат динамит и ќе ни фрлаат отров во дворовите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЈАНЧЕВ: Ќе сечат шуми, ќе детонираат динамит и ќе ни фрлаат отров во дворовите – закони по мерка на профитерите!

30 април 2026

• од Темелко Тошев

На вчерашната седница на Собранието, пратеникот од редовите на Левица, Сашко Јанчев, упати жестоки критики по повод донесувањето на измените на Законот за минерални суровини и Законот за концесии и јавно-приватно партнерство. Според него, овие законски измени се директен удар врз јавниот интерес и животната средина, со цел да се задоволат апетитите на крупниот капитал.

Профитот пред здравјето на граѓаните

Јанчев децидно посочи дека државата наместо да биде регулатор и заштитник на граѓаните, се става во служба на „рударското и енергетско лоби“.

„Се дозволува и му се отвора пат на приватниот интерес да го води орото во јавните работи. Приватниот интерес го интересира само профит. Какви ќе бидат последиците – воопшто не го интересира, а тие знаат да бидат и катастрофални,“ истакна Јанчев од собраниската говорница.

Правна „каша-попара“ и узурпација на имотите

Една од клучните забелешки на пратеникот се однесува на олеснувањето на процедурите за добивање концесии, со што се заобиколуваат досегашните строги правила за имотно-правни односи.

Што се менува? Наместо претходно решени имотно-правни односи, сега е доволна само одлука за прифаќање на иницијатива.
Кој добива? Ова не важи само за јавните претпријатија, туку за секое правно лице – домашно или странско.
Последици: Јанчев предупредува дека ова создава правен хаос кој е во директен конфликт со Уставот на Република Македонија.

„Наративот за благодет е чиста лага“

Јанчев потсети дека граѓаните веќе цела деценија водат макотрпна битка против отворањето на рудници на смртта преку протести и локални референдуми. Тој го обвини владејачкото мнозинство дека свесно го игнорира гласот на народот.

„Народот десет години се бори против ова, а вие носите закони по скратена постапка, без воопшто да го слушнете! Државата не смее да наметнува наратив дека политиките според интересите на профитерите ќе донесат некаков благодет,“ порача тој.

Мнозинството на ДПМНЕ ги изгласа измените

И покрај сите изнесени аргументи, предупредувања за еколошки катастрофи и детонации во близина на населени места, владејачкото мнозинство предводено од ДПМНЕ ги изгласа овие контроверзни закони.

Со ова, според Левица, се отвора широко вратата за неконтролирана експлоатација на природните ресурси, каде цената за профитот на малкумина ќе ја платат сите граѓани со своето здравје и уништена животна средина.