ДПИ „чешла“ низ бизнисите: Во секоја четврта фирма откриени неправилности, изречени казни од над 58.000 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДПИ „чешла“ низ бизнисите: Во секоја четврта фирма откриени неправилности, изречени казни од над 58.000 евра

22 април 2026

• од Темелко Тошев

Државниот пазарен инспекторат (ДПИ) во текот на само една недела спроведе интензивна акција на терен, при што секоја четврта контролирана компанија во земјава се соочила со санкции поради незаконско работење. Од вкупно 509 надзори, инспекторите утврдиле прекршоци во дури 124 случаи, што резултирало со глоби во вкупна вредност од над 58.000 евра.

Каде се утврдени најмногу прекршоци?

Според официјалните податоци од ДПИ, најкритични се секторите трговија и финансиска дисциплина. Инспекторите ја дадоа следната статистика за изминатиот период:

Закон за трговија: Извршени се 166 надзори, при што се издадени 47 прекршочни платни налози.
Закон за финансиска дисциплина: Од 107 надзори, дури 42 завршиле со казни.
Закон за угостителска дејност: Регистрирани се 14 прекршоци од вкупно 49 извршени контроли.
Закон за заштита од пушење: Иако со помал број контроли (21), регистрирана е висока стапка на прекршоци со издадени 12 казни.
Заштита на потрошувачи и занаетчиство: Кај овие закони се изречени по две казни.

Дополнително, четири фирми се казнети по Законот за метеорологија, а еден субјект за вршење на нерегистрирана дејност. Покрај паричните казни, изречени се и 43 опомени за помали пропусти кои ќе бидат предмет на дополнителни контроли.

Цените на храната под постојан надзор

Оваа офанзива на пазарните инспектори не е случајна. Контролите се засилени за да се спречи неосновано поскапување на прехранбените производи, особено по нестабилноста на пазарите предизвикана од конфликтот на Блискиот Исток.

Статистиката покажува дека притисокот врз џебот на граѓаните е сериозен. Државниот завод за статистика измери дека во март трошоците за живот пораснале за 4,9% на годишно ниво, додека кај храната тој пораст е уште повисок и изнесува 7,5%.

„Инспекторатот продолжува со континуирани и засилени контроли за почитување на законите и заштита на потрошувачите“, децидни се од ДПИ.

Од таму додаваат дека покрај редовните планови, приоритет се и пријавите од граѓаните, кои се клучен партнер во откривањето на неправилностите на терен.