Синдикатите најавија протест: Бараат минимална плата од 600 евра и зголемување на сите плати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ВРЕМЕ

Синдикатите најавија протест: Бараат минимална плата од 600 евра и зголемување на сите плати

22 јануари 2026

• од Станча Јаќимовски

Синдикатите во Македонија го загубија трпението и најавија масовен протест што ќе се одржи на 28 јануари со почеток во 17 часот, пред зградата на Сојузот на синдикатите на Македонија (ССМ). Тие упатија јавен повик до сите незадоволни работници од различни сектори да им се приклучат во борбата за повисоки и достоинствени плати.

Според синдикатите, состојбата со животниот стандард на работниците е алармантна. Дури 33 отсто од вработените живеат со плата пониска од 30.000 денари, што, како што велат, е под прагот на сиромаштија. Поради тоа, Советот на синдикати едногласно донел одлука да побара зголемување на минималната плата на 600 евра, со паралелно покачување и на сите останати плати.

„За тоа што имаме најниска минимална плата, најниска просечна плата и за тоа што околу 200.000 работници работат, а сепак се сиромашни, ова е само првиот чекор. Доколку нема решение, ќе следуваат дополнителни протести, блокади и генерален штрајк во јавниот сектор“, порачаа од синдикатите.

Тие предупредија дека ако институциите не покажат слух за нивните барања, ќе започнат постапка за собирање 10.000 потписи со цел да станат овластен предлагач на законски измени. Меѓу нивните барања е и намалување на платите на функционерите за 78 отсто, како и значително зголемување на платите на работниците.

Од синдикатите потенцираат дека дури и доколку бидат повикани на дијалог, нема да се откажат од најавениот протест. Според нив, работниците не можат да бидат замолчени со симболично покачување од 25 евра, додека функционерските плати се зголемуваат за 200 до 300 евра.

Синдикатите додаваат дека немаат ништо против доколку работниците и работодавците самостојно постигнат договор за зголемување на минималната плата, но нагласуваат дека ќе реагираат доколку изостанат реални и одржливи решенија.